ਇੱਕ ਸਮਰਥਕ ਤਾਣੇ ਬਾਣੇ ਦੀ ਪਛਾਣ ਅਤੇ ਵਿਕਾਸ ਤੁਹਾਡੀ ਸਿਹਤਯਾਬੀ ਵਿੱਚ ਸਹਾਇਕ ਹੋ ਸਕਦਾ ਹੈ। ਤੁਸੀਂ ਆਪਣੇ ਖੇਤਰ ਵਿੱਚ ਇੱਕ ਸਪੋਰਟ ਗਰੁਪ ਦਾ ਹਿੱਸਾ ਬਣਨ ਬਾਰੇ ਪਤਾ ਕਰਨਾ ਚਾਹ ਸਕਦੇ ਹੋ। ਦੋਸਤ ਅਤੇ ਪਰਿਵਾਰ ਤੁਹਾਡੇ ਲਈ ਸਹਾਰੇ ਦਾ ਪ੍ਰਬੰਧ ਕਰ ਸਕਦੇ ਹਨ ਅਤੇ ਤੁਹਾਡੇ ਕੰਮ ਕਾਜ ਪੂਰੇ ਕਰਨ ਵਿੱਚ ਮਦਦ ਕਰ ਸਕਦੇ ਹਨ, ਜਿਵੇਂ ਕਿ ਤੁਹਾਨੂੰ ਡਾਕਟਰ ਕੋਲ ਲੈ ਕੇ ਜਾਣਾ।
ਕਈ ਵਾਰੀ ਦੋਸਤ ਜਾਂ ਪਰਿਵਾਰ ਦੇ ਸਦੱਸ ਦੇ ਨਾਲ ਗੱਲਬਾਤ ਸ਼ੁਰੂ ਕਰਨਾ ਇੱਕ ਮੁਸ਼ਕਲ ਪਹਿਲਾ ਕਦਮ ਹੁੰਦਾ ਹੈ। ਹੇਠਾਂ ਦਿੱਤੇ ਗਏ ਨੁਕਤੇ ਤੁਹਾਡੀ ਮਦਦ ਕਰ ਸਕਦੇ ਹਨ।
ਤੁਸੀਂ ਜੋ ਕੁਝ ਅਨੁਭਵ ਕਰ ਰਹੇ ਹੋ ਉਸ ਬਾਰੇ ਇਮਾਨਦਾਰ ਅਤੇ ਸਪਸ਼ਟ ਹੋਵੇ। ਤੁਹਾਡੇ ਲੱਛਣਾਂ ਦਾ ਵਰਣਨ ਕਰਨਾ ਉਪਯੋਗੀ ਹੋ ਸਕਦਾ ਹੈ। ਕੇਵਲ ਆਪਣੇ ਡਿਪਰੈੱਸ਼ਨ ਦਾ ਸ਼ਿਕਾਰ ਹੋਣ ਬਾਰੇ ਗੱਲ ਕਰਨਾ ਤੁਹਾਡੀ ਬਿਹਤਰ ਮਹਿਸੂਸ ਕਰਨ ਵਿੱਚ ਸਹਾਇਤਾ ਕਰ ਸਕਦਾ ਹੈ।
ਗੱਲਬਾਤ ਸ਼ੁਰੂ ਕਰਨ ਦੇ ਕੁਝ ਤਰੀਕੇ ਇਹ ਹੋ ਸਕਦੇ ਹਨ:
ਤੁਸੀਂ ਡਿਪਰੈੱਸ਼ਨ ਬਾਰੇ ਜੋ ਵੀ ਕੁਝ ਜਾਣਿਆ ਹੈ ਉਸ ਨੂੰ ਸਾਂਝਾ ਕਰੋ; ਉਦਾਹਰਣ ਲਈ, ਇਹ ਕਿ ਇਹ ਇੱਕ ਬਹੁਤ ਸਾਰੇ ਕਾਰਨਾਂ ਵਾਲੀ ਵਾਸਤਵਿਕ ਬੀਮਾਰੀ ਹੈ, ਅਤੇ ਇਹ ਕਿ ਇਲਾਜ ਕੰਮ ਕਰ ਸਕਦਾ ਹੈ।1 ਤੁਹਾਡੇ ਦੋਸਤ ਅਤੇ ਪਰਿਵਾਰ ਤੁਹਾਡਾ ਸਮਰਥਕ ਸਿਸਟਮ ਬਣਾਉਂਦੇ ਹਨ। ਜਿੰਨੀ ਚੰਗੀ ਤਰ੍ਹਾਂ ਉਹ ਤੁਹਾਡੀ ਬੀਮਾਰੀ ਨੂੰ ਸਮਝਣਗੇ, ਉਨਾਂ ਹੀ ਜਿਆਦਾ ਸਹਾਰਾ ਉਹ ਤੁਹਾਨੂੰ ਦੇ ਸਕਦੇ ਹਨ।
ਆਪਣੇ ਅਜ਼ੀਜਾਂ ਨੂੰ ਦਸੋ ਕਿ ਉਨ੍ਹਾਂ ਦਾ ਸਾਥ ਤੁਹਾਨੂੰ ਬਿਹਤਰ ਮਹਿਸੂਸ ਕਰਨ ਵਿੱਚ ਸਹਾਇਤਾ ਕਰ ਸਕਦਾ ਹੈ। ਅਜਿਹੀਆਂ ਗਤੀਵਿਧੀਆਂ ਬਾਰੇ ਸੋਚੋ ਜੋ ਤੁਸੀਂ ਇਕੱਠੇ ਕਰ ਸਕਦੇ ਹੋ, ਜਿਵੇਂ ਕਿ ਸਵੇਰ ਵੇਲੇ ਸੈਰ ਕਰਨੀ, ਸ਼ਬਦ ਬੁਝਾਰਤ (ਕਰਾਸਵਰਡ) ਕਰਨੀ, ਖਰੀਦਦਾਰੀ ਜਾਂ ਫ਼ਿਲਮ ਵੇਖਣਾ।
ਯਾਦ ਰੱਖੋ, ਤੁਸੀਂ ਇਕੱਲੇ ਨਹੀਂ। ਦੋਸਤ ਅਤੇ ਪਰਿਵਾਰ ਤੁਹਾਡੇ ਲਈ ਆਰਾਮ ਦਾ ਜਰੀਆ ਹੋਣਗੇ। ਅਤੇ ਉਨ੍ਹਾਂ ਨੂੰ ਇਹ ਪਤਾ ਲਗੇਗਾ ਕਿ ਉਨ੍ਹਾਂ ਦਾ ਸਹਾਰਾ ਤੁਹਾਡੇ ਜੀਵਨ ਲਈ ਕਿੰਨਾ ਮਹੱਤਵਪੂਰਨ ਹੈ। ਇਸ ਲਈ ਮਦਦ ਮੰਗਣ ਤੋਂ ਨਾ ਡਰੋ। ਯਾਦ ਰੱਖੋ, ਇਹ ਸਭ ਠੀਕ ਹੋਣ ਦਾ ਹਿੱਸਾ ਹੈ।
